Charo Pita naceu á idade de seis anos cando rematou de ler o seu primeiro libro. Comezou a narrar historias en voz alta no ano 1994 e viaxou con elas polo mundo, a Alemaña, Polonia, Italia, Francia, Galicia, España... O seu traballo abrangue diversas áreas do fabuloso, conta tanto para público infantil como para público adolescente ou adulto. Tamén imparte talleres de narración e lectura expresiva. Publicou preto dunha vintena de libros, a maioría en lingua galega e moitos deles destinados a público infantil, en editoriais como Kalandraka, Oqo, Malas Compañías, Galaxia, Xerais, La Fragatina, Palabras del Candil… Unha das súas facetas máis persoais é a de traballar coa palabra e a música. Avanzando nesta liña publicou un libro de poemas musicados No país do vento. Tamén gañou algúns premios literarios como o IV Certame de Contos de Inverno convocado polo Civicam en 2007 (Inviernos a medida), o premio de poesía Illas Sisargas no ano 2020 (O cuarto de Jane), o Manuel Murguía de narracións breves no 2018 (Bochorno), o Espiral Maior de poesía no 2001 (Desde Arcadia para Govinda). Estudou Filoloxía Hispánica e teatro co director rumano Theodoro Smeu Stermin. Participou como actriz e directora en algunhas producións teatrais galegas. Encántalle explorar a dimensión fantástica de cada acto cotián. A vida parécele admirable, pero ás veces máxísta o mundo.